Novas

25/08/2020
[comment_count]

A partir do 26 de agosto poderán realizarse as matrículas nas Escolas Culturais Municipais nas oficinas do Pazo da Cultura

10/08/2020
[comment_count]

Xa está dispoñible a programación para os derradeiros meses do 2020. Podedes ir facendo as vosas compras, pois hai eventos para tódolos gustos e de todo tipo: concertos, teatro, humor, infantís...

06/07/2020
[comment_count]

* "Verde que te quero verde": Música + Sesión vermú todos os domingos do mes de xullo a partir das 12.30h., nas prazas e parques do noso municipio. Espectáculos para todos os públicos.

* "Campamentos Culturais": no Pazo da Cultura de Narón durante os meses de xullo e agosto; programación semanal de cursos para rapaces e rapazas de entre 3 e 12 anos, con horario de 8.30 a 14h. (+info 981 39 11 44 ou nas oficinas do Pazo da Cultura de 9.30 a 13.30h)

* "Cine de Verán": os xoves e venres do mes de xullo, dende o día 2 ata o 24, haberá cine infantil en Narón. As proxeccións - Al aire patos, Ralph rompe internet, Spiderman, Un nuevo universo, Smallfoot, Nocturna un ave mágica, A Galiña Turuleca, Pinocho 3000 e Donkey Xote; terán lugar ás 22.30h e ocuparán prazas e pistas polideportivas da Gándara, A Solaina, San Mateo, Xuvia, Pedroso, O Alto, San Xiao e O Val.

29/06/2020
[comment_count]

O Padroado de Cultura do Concello de Narón ofrece campamentos para nenos de entre 3 e 12 anos durante os meses de xullo e agosto.

26/06/2020
[comment_count]

O Padroado da Cultura organiza os catro espectáculos do programa “Verde que te quero verde” que se iniciará o 5 de xullo na cidade O Padroado da Cultura retomará a programación o vindeiro mes de xullo cunha nova edición, a cuarta, do programa “Verde que te quero verde”. Os vindeiros catro domingos do mes de xullo, outras tantas zonas verdes da cidade convertiranse un ano máis, en horario da mañá –a partir das 12.30 horas- en espazos nos que se desenvolverán espectáculos musicais dirixidos a persoas de diferentes idades.

A alcaldesa da cidade e presidenta do Padroado da Cultura, Marián Ferreiro, anunciou que na primeira xornada, o día 5, actuará na Praza Irmáns Freire, en Xuvia, a formación Cachas&Cousins, de Santiago de Compostela e que no repertorio inclúe temas clásicos da escena rocksteady xamaicana e tamén outros reggae que interpretarán os seus sete músicos. Gozarán tamén da convocatoria as nenas e nenos, coa música e humor de Brais das Hortas, que traerá a Narón o espectáculo “Da eira cantareira”, unha viaxe por contos e cancións do seu repertorio que combina o tradicional e o moderno.

A segunda das citas terá lugar o 12 de xullo na Rúa 25 de Xullo, no Alto, donde os protagonistas serán a artista Nastasia Zurcher e o músico Xoán Curiel. Este último encargarase do espectáculo infantil, un público ao que se dirixirá a través da música galega, tocando diferentes estilos, como o funk, o rock ou a bossa nova, sintonizando coa onda do Xabarín. Na mesma xornada, Nastasia Zurcher amenizará aos asistentes coas súas cancións, nas que fusiona varios estilos e sempre cunha característica pegada persoal e pegadizos estribillos co inglés como idioma protagonista pero amosando a súa faceta máis francófona e galega.

A terceira xornada do programa “Verde que te quero verde” será o 19 de xullo, na Rúa Francisco Pizarro, no barrio da Solaina. Oîma e Pakolas actuarán na cidade cunha proposta deste último cargada de música e humor para contar varias historias fantásticas cos animais como protagonistas. A música de baile de tradición galega e europea chegará da man do trío instrumental Oîma, que trae a Narón o seu primeiro traballo: “Ala!”. O escritor e cantante Antonio Lizana, acompañado dos seus músicos, e os integrantes de Fantasía coas palabras, María Faltri e Jorge Juncal, estarán o día 26 de xullo pechando o programa “Verde que te quero verde”, na zona verde da rúa Mariña Española (Vivendas da Mariña), na Solaina. A tradición flamenca e o jazz centrarán a actuación de Antonio Lizana Trío, que proporá ao público unha viaxe a través dos seus discos profundizando na raíz flamenca. Pola súa banda, María Faltri e Jorge Juncal presentan un formato para público infantil e familiar cun amplo repertorio de cancións para aprender e, ao tempo, divertirse.

“Queremos animar ás nosas veciñas e veciños a acudir a estes espectáculos, cumprindo todas as medidas de seguridade establecidas ante a situación que estamos vivindo e gozando desta programación dirixida a público familiar e infantil”, asegurou Ferreiro. A presidenta do Padroado da Cultura destacou que “un ano máis podemos retomar este programa con propostas culturais de balde dirixidas a persoas de diferentes idades e en espazos exteriores da cidade”.

Páxinas