Novas

17/04/2021
[comment_count]

Lembrade! Acabamos de poñer á venda localidades para

@xoellopez

en concerto o vindeiro 23 de abril ás 20.30h no Pazo da Cultura de Narón Entradas en http://padroadodecultura.es ou no despacho de billetes do Pazo! #CulturaSegura #Concerto

16/04/2021
[comment_count]

O Pazo da Cultura acolle ata o vindeiro 28 de abril a exposición “Don Gaiferos polos camiños cara a Compostela”, de Os Monicreques de Kukas, que conta co respaldo da administración autonómica no marco do Xacobeo 2021 e da Deputación da Coruña. As persoas que se acheguen ata as instalacións poderán ver na zona do hall as dúas partes das que consta a mostra, unha con planas orixinais do comic realizado por Marcelino de Santiago e Agustín de Castro no seu día sobre esta peza e a outra con monicreques de fíos e decorados da mesma.

            A obra, dirixida a público familiar e que se poderá ver este domingo ás 18.00 horas no Pazo da Cultura, conta a historia dun peregrino francés ata a súa morte aos pés do Apóstolo Santiago, en Compostela.

            O concelleiro de Cultura, Guillermo Sánchez Fojo, animou ás veciñas e veciños de Narón e tamén doutros concellos a desprazarse ata o Pazo da Cultura para ver esta exposición “moi orixinal e que permite coñecer un pouco máis o gran traballo que realiza a compañía galega Os Monicreques de Kukas e tamén profundizar en varios detalles da obra “Don Gaiferos” que este domingo se poderá ver no Pazo”.

31/03/2021
[comment_count]

As derradeiras localidades para ver ao cantautor cubano no Pazo da Cultura de Narón se poden adquirir na taquilla do Pazo da Cultura ou a través da páxina coma sempre.

Non perdades de ver aquí a este magnífico artista en directo!

26/03/2021
[comment_count]

Cada 27 de marzo celébrase en todo o mundo o Día Mundial do Teatro. Esta é a data escollida no ano 1961 polo Instituto Internacional do Teatro (ITI) e a comunidade teatral internacional para que se realicen desde entón, en todos os lugares do mundo, numerosos actos para visibilizar e reivindicar a arte do Teatro e os seus oficios.  O Padroado da Cultura do Concello de Narón e a súa Escola de Teatro convidan ao público a sumarse, o vindeiro sábado 27 de marzo, á celebración do Día Mundial do Teatro, asistindo á súa programación teatral en vivo no Pazo da Cultura e sendo partícipes da actividade da Escola de Teatro a través das redes.

05/03/2021
[comment_count]

Informamos de que temos parada a venta do concerto de Xoel López, pois xa chegamos ao límite de localidades que se nos permite vender a día de hoxe. Cabe a posibilidade, de que  máis adiante, a Xunta  nos permita ampliar o aforo; en tal caso, voltaremos a poñer á venda as localidades que corresponda segundo decreten.

Páxinas