Novas
O Padroado da Cultura abrirá o vindeiro 14 de outubro o prazo para entrega de obras ao “XI Concurso Pintura Cidade de Narón”
Revisade de novo as vosas axendas xa que o espectáculo para @s máis pequech@s da casa cambia de data do domingo 10 ao DOMINGO 24 de novembro ás 18h, no Café-Teatro do Pazo.
*As entradas xá están á venda nas billeteiras do Pazo da Cultura de Narón ou a través da nosa web.
+info 981 102 897
Tomade nota dun novo espectáculo infantíl, no Pazo da Cultura de Narón, o DOMINGO 15 de DECEMBRO ás 18h.:
"AGURATRAT" - Pérez&Fernández - Urdime
O señor Hoppy, un home algo maior, moi tímido e amante das prantas está profundamente namorado en segredo da súa veciña, a Señora Silver, unha muller que vive acompañada da súa tartaruga Alfie. A Señora Silver está preocupada porque Alfie non aumenta de peso e crece moi amodiño e o Señor Hoppy verá niso a posibilidade de gañarse o seu corazón
#ATENCIÓN #AVISO
Novo espectáculo á venda a partir das 17h., de hoxe, luns 16 de setembro!!!
"FARIÑA" - Tras o libro e a serie, chega ao teatro.
O fenómeno "Fariña" explora unha nova forma de expresión con a adaptación da novela homónima de Nacho Carretero que propón o dramaturgo José L. Prieto.
Estarán no escenario do Pazo da Cultura de Narón o venres 13 ás 20.30 e sábado 14 de decembro ás 20.00h
*Entradas á venda na billeteira do Pazo da Cultura de Narón ou a través da nosa páxina web:
https://www.padroadodecultura.es/
+info 981 102 897
A historia non permite nin acomodarse na butaca. O espectador, segundo arranca a obra, vese abordado por unha descarga. Cando quere darse conta xa está presenciando como rapaces e veciños das vilas falan, mercan, consume e manexan con soltura o Winston de batea. O fenómeno xa está en marcha. O elenco de actores entran e saen de escena meténdose no pel de decenas de personaxes entre situacións familiares cheas de humor: o alcalde corrupto, a verbena financiada ou os veciños máis novos probando a mercancía a escondidas.
O salto ao narcotráfico ocorre no escenario coa mesma soltura co que tivo lugar na realidade. De pronto, en escea, escóitase acento colombiano e marroquí. Escóitanse ritmos de percusión e cancións. Escóitanse bromas e bravuconadas. As drogas toman o control: ostentación e subidón enchen o teatro.
E, de novo como sucedeu en realidade, aparécese a traxedia. En forma de nais, rapaces afundidos e, por fin, operacións policiais. Todo cabe sobre un escenario no que faise un percorrido fiel deste escuro capítulo de Galicia dende un punto de vista único. Como adentrarse na historia, coma unha viaxe no tempo. Unha óptica tan cercana, tan real e familiar, que a sensación final, a reflexión da que se sae do teatro, adquire unha eficacia inédita.
UNDEDEZ SL – AINÉ PRODUCIONS SL – OQUETEÑO MEDIA SL
Con Xose A. Touriñán, María Vázquez, Marcos Pereiro, Cris Iglesias e Sergio Zearreta
Dirección: Tito Asorey
Completamos a programación cun concerto de Luis Pastor coa colaboración de Lourdes Guerra, “Canciones y memorias”, que terá lugar o vindeiro venres 25 de outubro ás 20.30h.
Este evento entra dentro do abono, polo que o período para mercar será o seguinte:
*Do 30 de agosto ao 9 de setembro para mercar na súa butaca (asociada ao seu abono).
*Días 10 e 11 de setembro para elixir butaca para este evento, antes da posta á venda ao público xeral.
*A partires do día 12 venda ao público xeral.
Os prezos serán de 7€ para os abonados e a tarifa reducida, e 10€ para o público xeral.
