A pasada semana tiveron lugar no Pazo da Cultura tres novas actuacións do Festival internacional do monólogo teatral Singular. A artista Cristina Medina puxo en escena a comedia de humor absurdo "Lunátika" este pasado venres, día 8. Un día máis tarde, Bea Campos contounos historias de mulleres rurais, fortes e valerosas que "eran feministas sen sabelo" no seu espectáculo "Marcho que teño que marchar". Por último, o domingo chegou a sesión infantil do Festival con "O Arquivo do Chibo", interpretada por Pablo Sánchez (Os contos de Pablísimo). 

As/os tres artistas foron recibidas polo director técnico do Padroado da Cultura, Luciano Fernández, que lles fixo entrega dunha "Loliña", agasallo institucional do Festival.