Poñendo en Valor a Nosa Cultura Tradicional

O Padroado da Cultura do Concello de Narón mantén dende a súa fundación unha teima pola defensa, salvagarda e difusión da nosa cultura tradicional. Para isto ten creado oito escolas culturais de corte tradicional, nas que se imparten disciplinas básicas na cultura etnomusical galega, tratando sempre de valorizar a nosa cultura por medio do ensino estruturado e de calidade, achegando ao alumnado os coñecementos básicos que lle permitan desenvolverse autonomamente en calquera que sexa a actividade que realice.

O Padroado da Cultura foi das entidades pioneiras a nivel galego na promoción de aulas de zanfona ou construción de instrumentos tradicionais, e retoma de novo esa vangarda realizando actividades tradicionais para crianzas de 3 e 4 anos, ou desenvolvendo actividades didácticas relacionadas coa cultura tradicional galega nas Escolas Infantís Municipais para escolares de 0 a 3 anos.

 

ESCOLAS CULTURAIS MUNICIPAIS 2024-2025

O prazo para formalizar as matrículas estará aberto do 9 ao 25 de setembro de 2024, ambos inclusive, e poderá formalizarse nas oficinas do Pazo da Cultura nos seguintes horarios:

  • De luns a venres: de 09:00 a 13:30 e de 17:00 a 19:00 h.
  • Sábados: de 10:00 a 13:00 h.

Podes ampliar información chamando ao 981391144, ext. 2806, ou escribindo a mc.blanco@naron.gal.

As clases correspondentes ao curso 2024-25 desenvolveranse entre o 1 de outubro de 2024 e o 31 de maio de 2025.

Escolas Tradicionais

O custo da matrícula para as oitos escolas tradicionais é de 70 euros por curso, estando destinadas a alumnado a partir das seguintes idades:

  • Danza Tradicional: 5 anos
  • Gaita: 6 anos
  • Acordeón: 8 anos
  • Percusión tradicional: 6 anos
  • Canto e Pandeireta: 5 anos
  • Zanfona: 8 anos
  • Construción de instrumentos: 16 anos
  • O Recuncho dos Pequechos: para nenas e nenos de 3 e 4 anos

 

Escolas Artísticas

O custo da matrícula para as dúas escolas artísticas é de 70 euros por curso, estando destinadas a alumnado a partir das seguintes idades:

  • Debuxo: 6 anos
  • Teatro: 4 anos

 

Escola de Actores e Actrices

O custo da matrícula é de 70 euros para 1º curso e Practicum, e de 220 euros para 2º e 3º.

 

Bailes de Salón

O custo da matrícula é de 35 euros, máis 18 €/mes ao longo do curso, estando destinados a alumnado a partir de 4 anos nas seguintes modalidades:

  • Baile de salón
  • Baile deportivo
  • Caribeños
  • Danza coreográfica

 

ASOCIACIÓN CULTURAL MUSICAL SEMENTEIRA. CURSO 2024-2025

O prazo de matrícula presencial permanecerá aberto do 2 ao 9 de setembro de 2024, ambos inclusive.

As matrículas poderán formalizarse na oficina da A.C.M. Sementeira sita no Pazo da Cultura, 2º andar, de luns a venres en horario de 18:00 a 20:00 h e sábados de 9:30 a 11:30 h.

Para máis información podes chamar ao teléfono 699458267 ou visitar a web da Asociación na que ademais poderás atopar as cotas de matrícula e todos os impresos necesarios para formalizala.