Novas

60423888_2622245317788942_7675500582546702336_n.jpg
Chega o festival do verán..., chega o Gulliver Fest
29/07/2019
[comment_count]

Os próximos días 2, 3 e 4 de Agosto celebrarase o primeiro Gulliver Fest

Deseñamos un programa de actividades que combina charlas viaxeiras, concertos, actividades infantiles, presentacións pechakucha e un longo etc.

Nun lugar privilexiado como é a Área Natural Muiño do Pedroso – Camping Río Xuvia contarás ademais con zona de camping, zona de baño e un parking para autocaravanas e furgonetas.

Programación:
VENRES, 2 DE AGOSTO
16:00 h. – APERTURA DO FESTIVAL
22:00 h. – Cachas&Cousins 
23:30 h. – La Chata Soul
01:30 h. – The Skarnivals

SÁBADO, 3 DE AGOSTO
10:00 h. – CLASES DE IOGA (1 h. 30 m.)
12:00 h. – Lydia Botana DE AQUÍ PARA ALÁ
13:00 h. – SESIÓN VERMOUTH
16:00 h. – XOGOS POPULARES
16:30 h. – CREA A TÚA CHAPA
17:30 h. – PECHAKUCHA(viaxes Narón)
19:00 h. – JORGE SIERRA(viaxes Narón)
22:00 h. – Natural Green
23:30 h. – The Lákazans
01:30 h. – Muyayo Rif

DOMINGO, 4 DE AGOSTO
13:00 h. – Sesión Vermouth ESCAPE ROOM
*Horario suxeito a modificacións

+info http://www.gulliverfest.es/

slide.jpg
XXI Oenach Atlántico de Sedes
22/07/2019
[comment_count]

Xa está aquí a XXI edición do Oenach Atlántico, Festa de Interese Turístico de Galicia!

Foi presentada coa participación da concelleira de Turismo, Natalia Hermida, e terá lugar os días 26, 27 e 28 de xullo en Sedes cunha ampla programación pensada para todos os públicos. 

Achegádevos!

#OenachAtlántico

UNNP_portadafb_versión1.jpg
Novo pase á venda do espectáculo "Unha noite na praia"
08/07/2019
[comment_count]

Despois de esgotar aforo para o venres 13 e sábado 14 de setembro, Carlos Blanco e Xosé A. Touriñán subiranse novamente ao escenario do Pazo o DOMINGO 15 de setembro a partir das 19h.

As entradas XA ESTÁN Á VENDA na billeteira do Pazo da Cultura de Narón ou a través da nosa web.

+info 981 102 897

#ViveoPazodaCultura

cartel.JPG
XXIX Festival Internacional de Folclore de Narón
08/07/2019
[comment_count]

Outro ano máis damos a benvida a unha nova edición..., chega o "XXIX Festival Internacional de Folclore de Narón" que terá lugar nas seguintes datas e concellos:

Venres 19 de xullo en Mugardos, sábado 20 en Narón (ás 21h., no Pazo da Cultura), domingo 21 en Vilalba e o luns 22 en As Pontes. Asimesmo, o sábado 20, pola maña actuarán os distintos gruos nas prazas do noso concello para dar mostra das distintas culturas mediante o seu baile e folclore.

Grupos participantes de este ano:
 

*GALICIA:
-Banda de Gaitas do Padroado da Cultura
-Grupo de música e danza tradicional "Alxibeira" do Padroado da Cultura

*URUGUAI:
-Ballet Folklórico Aborigen

*PERÚ:
-Corporación artística Soy del Perú

*ESLOVAQUIA:
-Conxunto folclórico Kincso

*ITALIA:
-Asd Ri Ualanegli

*As entradas para a actuación no Pazo da Cultura de Narón, que terá lugar o sábado 20 de xullo ás 21h., estará dispoñibles a partir deste XOVES 11, na billeteira do Pazo (horario de 9.00 a 14.00h) a un prezo de 2€.

+info 981 102 897

#ViveoPazodaCultura

#XXIXFestivalInternacionaldeFolcloredeNarón

CONVOCATORIA ELECCIÓNS Á XUNTA DO PADROADO DA CULTURA DO CONCELLO DE NARÓN
04/07/2019
[comment_count]
 
Con data 15/06/2019, o Concello Pleno do Concello de Narón, reuniuse en sesión constitutiva tras as eleccións municipais do 26 de maio do mesmo ano.
 
O artigo 7.2 dos Estatutos do Padroado de Cultura, aprobados por Concello Pleno de data 29/12/2011 (BOP da Coruña nº 47 de 8 de marzo de 2012) establece “…Para a designación dos representantes das asociacións de veciños, entidades culturais e consellos escolares de colexios públicos, o/a presidente/a convocará eleccións, no prazo de tres días dende a constitución do Concello Pleno, tras a celebración das eleccións municipais”. “O decreto da convocatoria da presidencia indicará o prazo e lugar de presentación de candidaturas. O prazo será de 15 días a partir do día seguinte ao do decreto da convocatoria e o lugar de presentación será a secretaría do Padroado da Cultura”. “Ao quinto día despois de rematado o prazo de presentación de candidaturas, deberá procederse ás eleccións. As votacións faranse por grupos, mediante votación secreta e en lista aberta, votando cada entidade a un número de candidatos non superior ao que lle corresponde ao seu grupo na Xunta”. “Serán elixidos os candidatos que obteñan maior número de votos por cada un dos grupos”.
 
En base ao anterior é polo que, esta Presidencia, en uso das atribucións que lle confire a Lei ven en RESOLVER:
 
PRIMEIRO.- Convocar eleccións para a designación de dous representantes das asociacións de veciños, tres representantes das entidades culturais e un representante dos consellos escolares dos colexios públicos, todos eles, con sede no Concello de Narón.
 
En cumprimento co establecido no artigo 7.2 dos Estatutos do Padroado de Cultura, as entidades culturais e as asociacións de veciños interesadas en participar, deberán cumprir os seguintes requisitos:
 Acreditación actualizada e completa, o día do inicio da convocatoria no rexistro municipal de asociacións, como entidade veciñal ou cultural.
 As entidades constituídas por agrupacións de diversas asociacións culturais ou veciñais non poderán participar como tales agrupacións.
 
SEGUNDO.- Abrir o prazo de presentación de candidaturas por un periodo de quince días hábiles a partir do seguinte ao presente acordo (do día 20/06/2019 ao 11/07/2019, ambos inclusive, en horario de 9:00 a 13:30 horas).

As candidaturas presentaranse no edificio do Pazo da Cultura, na Rúa Holanda, s/n – 15570 Narón, no rexistro de entrada do Padroado de Cultura, en horario de 9:00 a 13:00 horas, indicando “candidatura para eleccións á xunta do Padroado de Cultura do Concello de Narón - representantes das Asociacións de veciños con sede no Concello de Narón ” ou “candidatura para eleccións á xunta do Padroado de Cultura do Concello de Narón - representantes das entidades culturais con sede no Concello de Narón“ ou “candidatura para eleccións á xunta do Padroado de Cultura do Concello de Narón - representantes dos consellos escolares dos Colexios públicos do Concello de Narón”.

 
TERCEIRO.- As votacións para a elección dos representantes celebraranse o día 18 de xullo de 2019 no Pazo da Cultura, na Rúa Holanda, s/n – 15570 Narón, no horario seguinte:
- Ás 18:00 horas, os representantes dos consellos escolares.
- Ás 18:30 horas, os representantes das asociacións de vecinos.
- Ás 19:00 horas, os representantes das entidades culturais.
 
 
CUARTO.-Publicar a presente convocatoria nun periódico de máxima difusión na provincia e no taboleiro de anuncios do Concello de Narón.
 
Asinado:
A Presidenta do Padroado da Cultura do Concello de Narón - Marian Ferreiro Díaz
A Xerente do Padroado da Cultura do Concello de Narón - María Ángeles Manteiga Fulgueira

Páxinas