O curso 2021-22 das Escolas Culturais municipais xa está en marcha coa apertura do prazo de inscrición para as diferentes actividades. Permanecerá aberto do 1 ao 25 de setembro, habendo un segundo prazo naqueles cursos que teñan vacantes do 2 ao 17 de decembro. O prezo de matrícula para todas as actividades é de 63,10 euros por curso e as idades a partir das cales están indicadas son os seguintes:

Escolas Tradicionais

• Danza Tradicional: a partir de 5 anos
• Gaita: a partir de 6 anos
• Acordeón: a partir de 8 anos
• Percusión Tradicional: a partir de 6 anos
• Canto e Pandeireta: a partir de 5 anos
• Zanfona: a partir de 8 anos
• Construción de instrumentos: a partir de 16 anos
• O Recuncho dos Pequechos: 3 e 4 anos

Escolas Artísticas:

• Debuxo: a partir de 6 anos
• Teatro: a partir de 4 anos

Escola de Formación Actoral

O prezo da matrícula na Escola de formación de actores e actrices é o xa indicado (63,10 euros por curso) para 1º e o Practicum e de 208 euros por curso para 2º e 3º.

As matrículas poden formalizarse nas oficinas do Pazo da Cultura en horario de 09:00 a 13:30 e de 17:00 a 19:00 h (de luns a venres) e de 10:00 a 13:00 h (sábados).

Para máis información podes chamar ao 981391144 ou escribir un correo electrónico a mc.blanco@naron.es.