As Escolas Culturais Municipais do Padroado da Cultura celebran esta semana o remate das súas actividades no curso 2020/2021 nas Prazas de Narón. Aquí tedes algunhas imaxes das aulas de Baile Tradicional, Pandeireta e Canto, Gaita e Percusión e Zanfona celebradas este martes ao aire libre (Prazas da Solaina, da Gándara, da Lectura, 23 de novembro e Álvaro Paradela), e tamén unha pequena mostra do traballo da Escola de Formación de Actrices e Actores, no escenario do Auditorio Municipal.