O Pazo da Cultura de Narón acollerá ao longo das vacacións de Nadal a Cidade dos Agasallos e o Correo Real. Os e as máis peques da casa poderán deixar alí as súas misivas para os Reis Magos calquera día da semana, sen necesidade de reserva previa, nos seguintes horarios: de 11:00 a 14:00 h (de luns a domingo) e de 16:30 a 21:00 h (de luns a venres).

Ademais, a Cidade dos Agasallos contará con varios microespazos para o público infantil, todos de balde, que combinan música, contacontos, maxia, teatro... A programación completa é a seguinte:

• Aguinaldos na Maxia do Nadal, con A Maga Fani. Será o xoves día 23 ás 12:00 h.
• Varietés do animalario, con Paporrubio. Será o xoves día 23 ás 18:00 h.
• O tranvía de Nadal, de Charo Pita Trío. Será o domingo 26 ás 12:00 h.
• O Castiñeiro do Apalpador. Será o domingo 26 ás 18:00 h.
• Arrieira, de Xarope Tulú. Será o mércores 29 ás 18.00 h.
• O Crebanoces, de Larraitz Urruzola. Será o xoves 30 ás 18:00 h.
• Os ratiños do Nadal, de Bea Campos. Será o domingo día 2 ás 12:00 h.
• Estación Nadal, de Mamá Cabra. Será o domingo día 2 ás 18:00 h.
• O que levamos nas maletas, de Magín Blanco e Pablo Vidal. Será o martes 4 ás 18:00 h.

O programa de actividades rematará o mércores 5 de xaneiro cun gran recibimento aos Reis Magos. Para poder asistir, de balde, cómpre reservar praza con antelación, a partir do luns 27 de decembro, no teléfono 981102897.