As nosas Escolas celebraron ao longo da semana pasada as mostras de fin de curso en diferentes espazos públicos de Narón. Foron actuacións de acceso libre coas que dinamizamos a actividade cultural achegándoa aos diferentes barrios da cidade e demos a coñecer o traballo que realizamos nesta materia desde o Padroado da Cultura.

Alumnado das Escolas de construción de instrumentos, Acordeón, Baile tradicional, Gaita e percusión, O Recuncho dos Pequechos, Pandeireta, Zanfona e Bailes de Salón levaron a cabo as súas demostracións no exterior do Pazo da Cultura, no Paseo de Xuvia e nas prazas da Lectura, de Galicia, Álvaro Paradela, da Gándara e da Solaina.