Como parte do programa da sétima edición do Festival Internacional do Monólogo Teatral Singular, este pasado xoves o Café Teatro do Pazo da Cultura acolleu unha rolda de negocios que puxo en contacto a programadores nacionais e internacionais membros da Red Eurolatinoamericana de Artes Escénicas (Redelae) cun total de once compañías de teatro galegas, as cales puideron presentar os seus proxectos de cara a poder participar en festivais que se celebrarán en Chile, Uruguai, Colombia, Costa Rica, República Dominicana e Portugal.

Ademais, celebrouse a mesa redonda sobre “Circulación Internacional de Espectáculos Teatrais”, presentada pola alcaldesa, Marián Ferreiro, e moderada por Xosé Paulo Rodríguez. Participaron neste acto Gustavo Zidan (Uruguai), Octavio Arbeláiz (Colombia) e Zaida Sánchez (Costa Rica)