CONCIERTO DE TENNESSEE

Falar de TENNESSEE é falar da historia musical de España por méritos propios.

A cantidade de números uno que teñen no seu repertorio é impresionante: “Te vi correr” ,“Llueve en mi corazón”, “Rama lamba ding dong”… e tantas outras cancións. Dos discos “Una noche en Malibú ” (1989), “Llueve en mi corazón” (1991) e “Sueños” (1992) venderon case dous millóns de discos.

A banda xorde en 1978 baixo o nome Elvis Boys para, en 1980, pasar a denominarse Tennessee.  O seu estilo é o rock&roll na súa ampla variedade, incluíndo blues, swing, rock, doowop…interpretando cancións propias ademais de adaptacións ao español de clásicos do rock.

Tras máis de 40 anos de historia, con miles de concertos e millóns de discos vendidos,Tennessee fará parada en Narón, da man da produtora local Eventi, dentro da súa xira 2023 que os está levando a escenarios de toda España.