COMEDIA

Corre o ano 1962 en Las Palmas de Gran Canaria. O novo Capitán Xeral Don Pedro e a súa esposa María Luisa Fernández do Campo, a nova responsable da Sección Feminina, chegan a unha Canarias que deben manter baixo control ante o fervente cristianismo e as normas da ditadura.

Mentres tanto, no recoñecido cabaré Fígaro están a piques de estrear o seu próximo espectáculo: A Voda; unha sátira mordaz contra o réxime franquista interpretada pola exitosa compañía Os Cancán.

A envexa de competencias mediocres fan chegar a oídos de Don Pedro que o cabaré é un niño de vermellos (nada que fose mentira), acusacións que empuxan ao Xeneral para acudir a un disparatado ensaio dos Cancán.

É aquí onde decide que por riba de calquera cousa quere ter unha aventura coa vedette Susana Maninidra, complicando este vodevil con novas maquinacións e enganos. É así como curas, empresarios, militares, transformistas e cantantes revolucionarios mesturaranse entre plumas e xoais nas vodas do Fígaro.