LA COMEDIA DE LOS ERRORES

Que é a Verdade? Cal é a orixe de todo iso que acordamos chamar “o verdadeiro”? Onde descansan os cimentos das respostas correctas?

Querido público:

Non é o erro, a resposta a todas esas preguntas? Que sería da verdade e do correcto, se non fose polo erro? Existirían como tales?

A verdade e o correcto débenlle a súa existencia ao falso e ao erro, pois non tería sentido enuncialas como tales se non existise a posibilidade do seu contrario.

O auténtico e o correcto son sempre tan planos, tan…tan aburridos, non lles parece?

En La comedia de los errores empezamos cunha sentenza de morte e todo se converte nunha festa por erro. Por erro cambiamos de parella, crendo que estamos no certo e por erro acabamos no cárcere, crendo ser honestos.

Dos erros aprendemos, pero é un erro pensalo se aspiramos a non equivocarnos.