JÁNSEL E PÓNSEL

Jánsel e Pónsel traen unha obra- documental na que pretenden dar resposta de xeito lúdico e didáctico ás grandes preguntas do universo... Quen somos? De onde vimos? Onde imos?

Todo isto, claro, se o proxector funciona ben, Jánsel non se trabuca coas frases ou calquera outro problema que poidan imaxinar.

Desde Deus ata a chegada dos aliens e a súa conquista da Terra, Jánsel e Pónsel farán un repaso á verdadeira evolución. Cun humor cheo de referencias, aventuras, música e amor; moito amor, para dar xeito a este desastre de peza teatral.