EL SILENCIO DE HAMELIN

TEATRO XESTUAL E MONICREQUES

Que pasaría se no conto do famoso frautista houbese unha nena xorda?

Clara e Bruno son irmáns. Son dous dos nenos que viviron o acontecido na cidade de Hamelin.

Agora, que xa son maiores, un estraño personaxe pídelles contalo de novo. Ás veces é necesario volver ao pasado para poñer as cousas no seu lugar.

Obxectos, palabras, linguaxe de signos, un DJ particular… e as vantaxes de ter desvantaxes. Un espectáculo sobre as outras habilidades, sobre cousas que non se din… e que acaban por saír á superficie.

A través da xordeira de Clara queremos  resaltar os silencios que están ocultos no noso mundo.

Un mundo ruidoso e alto, pero cheo de cousas que non se din, feitos que se esconden, persoas que falan sen dicir nada... e as persoas que oen, pero que non queren escoitar.

Espectáculo recomendado pola Rede Española de Teatros.

Premio FETÉN 2018 á mellor proposta de inclusión.