EL CAMINO A LA MECA - TEATRO CONTEMPORÁNEO - CASTELÁN

Esta historia fala sobre os desafíos da arte, a liberdade individual e o choque entre as expectativas sociais e a autorrealización.

Camino a la Meca inspírase nunha muller real, Helen Martins, que se rebelou contra todos os estamentos da súa época. Un ser que persegue o desexo, a luz da inspiración que non corresponde a ningunha idade nin a ningunha xeración. Alguén que prefire as preguntas ás certezas, que valora a súa liberdade e a súa autonomía enfrontándose ao seu tempo e ao mundo que a rodea.

Unha muller que creou un xardín extraordinario, cheo de escultura e obxectos de vidro, que é coñecido como El Camino a La Meca.

Aínda que nunca viaxou á Meca, a súa obra reflectía o seu anhelo espiritual e a súa procura de significado, simbolizada pola idea do "camiño" cara a un lugar sacro.

Unha fonda reflexión sobre o illamento, a loita interna e o conflito entre conformarse coas expectativas da sociedade ou seguir os propios soños e desexos.