DON QUIJOTE SOMOS TODOS

COMEDIA

“Don Quijote somos todos” narra os esforzos dun pobo manchego, de cuxo nome ninguén se acorda, por non desaparecer para sempre. Abandonado no medio da España baleira, con malas comunicacións e escasos servizos, o seu único patrimonio está no seu pasado: ser o berce do máis famoso cabaleiro andante, o enxeñoso don Quixote da Mancha.

A aparente intención do Goberno de construír un Parador Nacional de Turismo abre unha xanela de esperanza para o pobo, que se lanza a loitar por ser o lugar elixido para a súa construción. De natural escéptico, con forte tendencia á ironía e a certo grao de tolemia, o pobo enteiro decide armarse cabaleiro andante e, facendo honra á memoria do seu ilustre antepasado, pelexar contra os xigantes que o ameazan e alcanzar a gloria con todos os merecementos posibles.

Episodios como os muíños de vento, os galeotes ou a cova de Montesinos adquiren na nosa proposta unha nova perspectiva, alumando unha reflexión mordaz e sen prexuízos sobre o noso propio quixotismo patrio.