Con recurso á voz, ao corpo e mais á música, preténdese dar eco á palabra poética na lingua na que foi creada; e, compartíndoa deste xeito, abrir un espazo para a comunicación da emoción, reflexión e  beleza, sen renunciar á presenza puntual do humor.

Desde o eido da poesía aparecen e ocupan o seu lugar o amor, a relación coa terra e a paisaxe, co campo e coa cidade; a loita social, a igualdade de xénero, a dura travesía dos expatriados; a guerra....; cuestións que esixen ser abordadas desde o horizonte de Galicia e da lingua galega.

Nesta intensa e emotiva viaxe acompáñanos a palabra de vinte e un poetas:

Uxío Novoneyra  /  Marta Dacosta  /  Omar Kayyám-P.Castro /  Xosé Luís Méndez Ferrín  / Fiz Vergara Vilariño / Olalla Cociña  /  Inma L.Silva /  E. Blanco Amor / Salvador García Bodaño  /  Manolo Rivas  /  Pilar Pallarés  /  Luísa Villalta / Sophia de Mello /  Eduard Velasco / Xúlio L. Valcárcel  / Antía Otero / Eva Veiga  /  Antón Avilés de Taramancos  /  Álvaro Cunqueiro  /  Miguel Anxo Fernán Vello / Xosé Mª  Álvarez Cáccamo