CONCERTO TRIBUTO A PINK FLOYD

A banda IM-PULSE tributo a PINK FLOYD presenta o seu directo por toda España, nunha espectacular xira que nos trasladará aos grandes concertos do emblemático grupo británico, pioneiros do rock progresivo.

Im-pulse é un proxecto que nace para revivir os grandes concertos de Pink Floyd. Composta por oito músicos profesionais cunha extensa traxectoria, esta formación rende tributo á mítica banda de rock-sinfónico, creando unha interpretación fiel e envolvendo ese son peculiar cun gran espectáculo audiovisual.

Tomando como referencia o famoso PULSE, o seu directo máis  exitoso, IM-PULSE interpreta durante máis de dúas horas un repertorio moi compensado e representativo da banda británica ao longo de toda a súa carreira.

Este espectáculo é, sen ningunha dúbida, un evento que todo aquel amante da boa música non debe perderse.