BÚHO
Pablo, un antropólogo forense especializado en xacementos paleolíticos, sofre un ictus que lle provoca unha amnesia grave. Asistimos a unha procura interior pola súa memoria, os seus recordos e, en defintitiva, a súa identidade.
Cunha dramaturxia baseada nun longo proceso de documentación, Titzina acompañou a persoas reais que transitan diariamente na profundidade: espeleólogos, antropólogos forenses especializados en arte rupestre, Mossos de Esquadra da unidade do subsolo e exploradores urbanos ilegais, así como neuropsicólogos e pacientes do Institut Guttman para a rehabilitación da memoria.
As súas experiencias e coñecementos constrúen esta ficción teatral.