LA PASIÓN INFINITA - TRAXICOMEDIA - CASTELÁN

Non todos os soños se cumpren.

Desde que os seus ollos se abriron ao mundo, o único soño de José Antonio foi o de ser actor. Pero non hai no mundo un actor peor que José Antonio. Non o hai. Desde pequeno, consciente da súa ausencia absoluta de calquera indicio de talento, toda a súa contorna intentou quitarlle a idea da cabeza. Pero a paixón de José Antonio é infinita. Daría calquera cousa polo teatro, daría calquera cousa por ser actor.

O tempo pasou e José Antonio casouse con Asunción. E non é actor, traballa nunha fábrica de salgaduras mentres segue soñando ben forte. Nin a súa muller nin os seus amigos conseguen sacarlle a idea da cabeza. Non hai xeito. A paixón de José Antonio é infinita.

Un día, á hora do almorzo, José Antonio abre o xornal e atopa un anuncio que cambiará para sempre a súa vida e a de todos os que lle rodean: "Búscase actor. Non se require experiencia". A partir de aquí, a súa paixón infinita non terá freo, nada nin ninguén poderá detelo xa, non hai xeito.

José Antonio preséntase ao casting e, ante o asombro de todos, é seleccionado. A traxicomedia está servida. Un director emerxente en horas moi baixas ve en José Antonio a viva reencarnación do esperpento e intentará facer da súa propia vida un espectáculo performático que non deixará indiferente a ninguén. José Antonio está disposto a dar a súa vida polo teatro. José Antonio está disposto a dar a súa vida pola súa paixón. E ti?