XORNADAS DE PORTAS ABERTAS NAS ESCOLAS CULTURAIS DO PADROADO DA CULTURA

Xoves, 16 de Setembro de 2021

O Padroado amosará as diferentes disciplinas que se desenvolven nas Escolas Culturais Municipais

Os vindeiros venres 17, luns 20 e martes 21 o Padroado da Cultura celebrará Xornadas de Portas Abertas nas Escolas Culturais Municipais de Narón, para que as persoas interesadas coñezades de primeira man o que facemos nas aulas. Recibiredes información sobre os contidos e poderedes participar no desenvolvemento de actividades demostrativas de cada Escola. Lembramos que o prazo de matrícula está aberto ate o 25 de setembro nas oficinas do Pazo da Cultura, en horario de 09:00 a 13:30 e de 17:00 a 19:00 (luns a venres), e de 10:00 a 13:00 (sábados).
As Aulas Abertas celebraranse mantendo as medidas preventivas de COVID-19 vixentes, polo que todas as persoas que participen haberán de acudir con máscara, utilizar o xel hidroalcohólico a disposición e manter a distancia de seguridade interpersoal nos espazos, que estarán convenientemente ventilados, así como seguir as indicacións do persoal docente e do persoal de conserxería sobre o acceso e saída dos edificios do Padroado.
As convocatorias son as seguintes:
VENRES 17:
• Escola de Bailes de Salón (Baile Social e Bailes Caribeños): Pazo da Cultura, 21:00h. Imparte: Román Romero
LUNS 20:
• Escola de Bailes de Salón (Danza Coreográfica): Pazo da Cultura, 18:00h. Imparte: Román Romero
• Escola de Pandeireta e Canto Tradicional:
- Infantil e Xuvenil: Auditorio de Narón, 18:00h. Imparte: Zahyra Regueira
- Persoas Adultas: Auditorio de Narón, 20:00h. Imparte: Zahyra Regueira
• Escola de Zanfona: Pazo da Cultura, 20:15h. Imparte: Óscar Fernández
• Escola de Acordeón: Pazo da Cultura, 20:15h. Imparte: Jorge Vázquez
• Escola de Construción de Instrumentos de Percusión Tradicional: Pazo da Cultura, 19:00h. Imparte: Emilio Romero

MARTES 21:
• Escolas de Gaita e Percusión: Pazo da Cultura, 19:00h. Imparte: Román Romero
• Escola de Baile Tradicional:
- Infantil e Xuvenil: Auditorio de Narón, 18:00h. Imparte: Zahyra Regueira
- Persoas Adultas: Auditorio de Narón, 20:00h. Imparte: Zahyra Regueira
• Escola de Cultura Tradicional "O Recuncho dos Pequechos" (3 e 4 anos): Pazo da Cultura, 17:00h. Imparte: Beatriz Mosquera
• Escola de Debuxo: Casa da Cultura, 18:00h. Imparte: Laura Molero
• Escola de Teatro:
- Obradoiros Infantís e Xuvenís:
Auditorio de Narón, 18:30h. Imparte: Silvia Casal
- Formación de Actrices e Actores e Obradoiros Adultos:
Auditorio de Narón, 20.00h. Imparte: Flor Maceiras