Os domingos de xullo do 4 ao 24, sempre a partir das 12:30 h, terán lugar os diferentes espectáculos da sexta edición do programa municipal “Verde que te quero verde” nunha cita á que convocamos desde o Padroado da Cultura de Narón. Todos terán lugar en parques e espazos verdes da cidade co público familiar e infantil como destinatario principal. As actividades foron presentadas esta mañá pola alcaldesa e presidenta do Padroado da Cultura, Marián Ferreiro, quen destacou que, de novo, “levamos á rúa os espectáculos culturais para que poidan desfrutar deles as veciñas e veciños, con propostas moi variadas", todas de balde:

• 3 de xullo, praza Irmáns Freire (Xuvia): Magín Blanco, todo un referente en Galicia da música infantil e non só infantil, e Momboi, unha banda que co seu novo disco está a conquistar concursos e festivais e que nos fará desfrutar e bailar co seus pop e os seus ritmos latinos.
• 10 de xullo, rúa 25 de xullo (O Alto): novo disco en Narón uns dos novos referentes da música de raíz, Caldo, cos seus enérxicos e divertidos directos. Estarán acompañados na parte infantil, de Pitusa Semifusa, o proxecto no que a música Olga Brañas fai que sexa moi divertido que as nenas e nenos aprendan conceptos e ritmos musicais e no que conta coa naronesa Andrea Picos como cantante.
• 17 de xullo, rúa Francisco Pizarro (A Solaina): contaremos con dúas voces poderosísimas, a de Sabela King, cantante de proxectos como The Lakazáns, e Catuxa Salom, cun dos proxectos máis novos, frescos e singulares da música galega.
• 24 de xullo, rúa da Mariña Española: bailaremos a ritmo de swing e de soul xamaicano cos magníficos Xoubas e contaremos para o concerto familiar con Pablo Díaz.