Rostros da memoria Ferrol 1972

Xoves, 29 de Setembro de 2022

Mañá venres terá lugar no Pazo da Cultura a inauguración desta mostra fotográfica de Xurxo Lobato

A exposición “Rostros da memoria Ferrol 1972”, do recoñecido fotógrafo coruñés Xurxo Lobato, será inaugurada no Pazo da Cultura mañá venres ás 18:00 h coa presenza da alcaldesa e presidenta do Padroado da Cultura, Marián Ferreiro, así como do propio autor das imaxes. Esta exposición é unha homenaxe ás persoas que padeceron a represión do réxime franquista e está composta por unha trintena de retratos en branco e negro na que o paso do tempo polos protagonistas constata a dor que sufriron na época. As imaxes amósanse en soportes autoportantes con forma de cubos de grandes dimensións, aptos para exteriores. A mostra poderá visitarse na zona de acceso ao edificio do Pazo ata o vindeiro 13 de outubro.