Esta mañá tivo lugar a presentación do ciclo “Ciencia ficción para axitar conciencias”, que terá lugar no Pazo da Cultura os días 27 de setembro e 5 e 19 de outubro, sempre ás 20:00 h e con entrada de balde previa retirada do tícket no despacho de billetes do Pazo. O ciclo foi presentado pola alcaldesa e presidenta do Padroado da Cultura, Marián Ferreiro, que estivo acompañada polo presidente do Cineclube Serie B, Alberto Pena, e Anabel Valera, integrante da mencionada entidade, organizadora do evento coa colaboración do Padroado da Cultura, entre outros organismos. As tres proxeccións que conforman este ciclo serán as seguintes:

• Mércores 27 de setembro: “Hijos de los hombres” (2006), de Alfonso Cuarón. Esta película aborda temas como a inmigración, a manipulación informativa e o terrorismo.
• Mércores 5 de outubro: “Fahrenheit 451” (1996), de François Truffaut . O filme constitúe unha reflexión sobre o totalitarismo, a censura e a liberdade de pensamento.
• Mércores 19 de outubro “Distrito 9” (2009), de Neill Blomkamp. A cinta trata temas como o racismo, a segregación e os prexuízos raciais.