Festival Singular 2023

Xoves, 16 de Febreiro de 2023

A concelleira de Cultura, Olga Ameneiro, presentou esta mañá a oitava edición deste importante evento cultural

O Pazo da Cultura acollerá ao longo do mes de marzo o "VIII Festival Internacional do Monólogo Teatral Singular". Un total de trece espectáculos (nove para público adulto e catro para público infantil) compoñen o ambicioso programa deste ano que terá tamén unha serie de actividades paralelas.

Os espectáculos que compoñen o Festival Singular poden consultarse nesta ligazón e son os seguintes:

  • Venres 3 ás 20:30 h: "Piano blanco", con Jimena González (Arxentina). Monólogo musical.
  • Sábado 4 ás 20:00 h: "Continente María", con Melania Cruz e Vadim Yukhnevich. Teatro documento.
  • Domingo 5 ás 18:00 h: "Zapatos", de Caramuxo Teatro. Teatro para bebés.
  • Venres 10 ás 20:30 h: "Señora de rojo sobre fondo gris", con José Sacristán. Teatro contemporáneo.
  • Sábado 11 ás 20:00 h: "Christiane. Un bio-musical científico", con Belén Pasqualini. Teatro unipersonal-Musical.
  • Domingo 12 ás 18:00 h: "U-la lúa?", da Xanela do Maxín. Títeres de mesa e música en directo (a partir de 4 anos).
  • Venres 17 ás 20:30 h: "Iphixenia na porta do súper", con Alba Caneda. Teatro unipersoal.
  • Sábado 18 ás 20:00 h: "Lorca en Nueva York", con Alberto San Juan. Monólogo con música en directo.
  • Domingo 19 ás 18:00 h: "Coser e cantar", con Marta Ortiz. Narración oral, teatro de obxectos e música (a partir de 3 anos).
  • Venres 24 ás 20:30 h: "Feirantes", con Imma António. Narración oral.
  • Sábado 25 ás 20:00 h: "The Witch", con Diana Sieira. Teatro unipersoal.
  • Domingo 26 ás 18:00 h: "Filipa cos contos", con Fran Campos (Bandullo Azul). Contos con música, títeres, teatro (a partir de 3 anos).
  • Venres 31 ás 20:30 h: "Entra en escena" (estrea absoluta), de Pegadas Culturais. 

En canto ás actividades paralelas, consistirán no obradoiro de teatro “Comportamentos corruptos”, impartido por Marianella Moreno, que se levará a cabo do 27 de febreiro ao 2 de marzo, en horario de 16:00 a 22:00 h no Auditorio Municipal; na charla “El teatro que no quiere olvidar”, con Mariano Llorente, o día 23 de marzo ás 20:00 h no Café Teatro do Pazo; na rolda de negocios “Encontro con programadores nacionais e internacionais (membros de Redelae) e compañías de teatro galegas”, que comezará o 18 de marzo ás 11:30 h.; e, por último, na asamblea de Redelae, o 19 de marzo ás 10:00 h no Café Teatro do Pazo.