O Pazo da Cultura acollerá un novo ciclo de cine, esta vez baixo o título “Desmitificando o amor romántico”, nunha nova colaboración entre o Padroado da Cultura e o Cineclube Serie B. A iniciativa foi presentada onte pola alcaldesa e presidenta do Padroado, Marián Ferreiro, Alberto Pena, presidente da entidade, e Anabel Valera, secretaria. O ciclo terá lugar os mércores 2, 9 e 16 de novembro e todas as proxeccións darán comezo ás 20:00 h con entrada de balde. O programa é o seguinte: 

• Día 2: “Olvídate de mí”, de Michel Gondry e protagonizada por recoñecidos actores como Jim Carrey, Kate Winslet ou Kirsten Dunst.
• Día 9: “Mi vida sin mí”, de Isabel Coixet,
• Día 16: “La la land”, de Damien Chazelle.