O grupo de baile tradicional Alxibeira, dependente do Padroado da Cultura, está a colleitar un importante éxito de público, crítica e repercusión mediática (tanto en radios como en televisións de ámbito nacional) na xira que está a levar a cabo en Uruguai. Un intenso calendario de actuacións na famosa Sala Verdi de Montevideo é boa proba disto.

A numerosa colonia galega residente no país non quixo desaproveitar a ocasión de poder desfrutar en directo dos sons, bailes e traxes tradicionais do noso país, asistindo en gran número a presenciar as actuacións de Alxibeira.