Martes, 29 de decembro - 18:00 h.

Tomando como punto de partida  o libreto  e a adaptación musical para instrumentos de vento da ópera a Frauta Máxica, Marcelino de Santiago crea un espectáculo musical no que se introduce ó espectador no intre no que o mestre Mozart está a soñar e crear a música que para o libreto dunha ópera lle trae o empresario teatral Emanuel Schikaneder, de tal xeito que a modo de teatro dentro do teatro as diferentes escenas da ópera se representan con marionetas que interpretan con mímica as accións dramáticas acompañadas pola música de instrumentos de vento interpretada polo quinteto Zoar e que previamente son explicadas dun xeito teatral e ó mesmo tempo didáctico en clave de humor polo actor - narrador que interpreta a Mozart.