Poñendo en Valor a Nosa Cultura Tradicional

O Padroado da Cultura do Concello de Narón mantén dende a súa fundación unha teima pola defensa, salvagarda e difusión da nosa cultura tradicional. Para elo ten creado 8 escolas culturais de corte tradicional, no que se imparten disciplínas básicas na cultura etnomusical galega. Tratando sempre de valorizar a nosa cultura por medio do ensino estruturado e de calidade, achegando ao alumnado os coñecementos básicos que lle permitan desenvolverse autonomamente en calquera que sexa a actividade que realice.

O Padroado da Cultura foi das entidades pioneiras a nivel galego na promoción de aulas de zanfona ou construción de instrumentos tradicionais, e retoma de novo esa vangarda realizando actividades tradicionais para crianzas de 3 e 4 anos, ou desenvolvendo actividades didácticas relacionadas coa cultura tradicional galega nas Escolas Infantís Municipais para escolares de 0 a 3 anos.

ESCOLAS CULTURAIS MUNICIPAIS 2021-2022

Prazo de Matrícula:

• Do 1 de setembro ao 25 de setembro de 2021, ambos inclusive.
• Do 2 de decembro ao 17 de decembro nos cursos que dispoñan de prazas vacantes. Os inscritos neste segundo prazo non teñen opción a devolución de matrícula nin a pago fraccionado.

Onde: Oficinas do Pazo da Cultura.

Cando: de luns a venres de 09:00 a 13:30 e de 17:00 a 19:00. Sábados de 10:00 a 13:00.

+info: 981 391 144 -  mc.blanco@naron.es [1]

 

Escolas Tradicionais

O custo da matrícula para as oitos escolas tradicionais é de 63,10 euros por curso, estando destinadas a alumnado a partir das seguintes idades:

• Danza Tradicional: 5 anos
• Gaita: 6 anos
• Acordeón: 8 anos
• Percusión Tradicional: 6 anos
• Canto e Pandeireta: 5 anos
• Zanfona: 8 anos
• Construción de instrumentos: 16 anos
• O Recuncho dos Pequechos: para nenas e nenos de 3 e 4 anos

Escolas Artísticas

O custo da matrícula para as dúas escolas artísticas é de 63,10 euros por curso, estando destinadas a alumnado a partir das seguintes idades:

• Debuxo: 6 anos
• Teatro: 4 anos

Escola Formación Actoral

O custo é de 63,10 euros para 1º curso e Practicum, e de 208 euros para 2º e 3º.

ASOCIACIÓN CULTURAL MUSICAL SEMENTEIRA. CURSO 2021-2022

O prazo de matrícula abrirase dende 30 de agosto ata o 11 de setembro de 2021, ambos inclusive.

As matrículas poderán formalizarse na oficina da A.C.M. Sementeira sita no Pazo da Cultura, 2º andar, de luns a venres (de 17:00 a 19:00 horas) e os sábados (de 11:00 a 13:00 horas).

Para máis información poden chamar ao teléfono 699458267.

A cota de socio/a, obrigatoria, é de 25 euros anuais.

No seguinte cadro especificamos os prezos das matrículas así como as cotas mensuais:

* Oito mensualidades, de otubro a maio      

Especialidade de instrumentos: frauta traveseira, óboe, clarinete, saxofón, fagot, trompeta, trompa, trombón, bombardino, tuba, violonchelo, contrabaixo e percusión.