TEATRO ACTUAL

"Unha muller maior, que soña cunha viaxe a París e con rematar unha colección de cómics da infancia, resístese a abandonar o piso no que habita desde nena, malia a presión dos fillos e da axencia inmobiliaria; todos eles teñen outros plans para a vivenda. Neste agasallo teatral, Benet i Jornet   fainos compartir  os soños e os fracasos das súas complexas personaxes nunha  viaxe brutalmente divertida e conmovedora, chea de beleza dramática e iluminada pola inmensa humanidade que dúas mulleres agochan baixo a férrea armadura de ironía e dureza coa que intentan defenderse dos implacables embates que teñen que afrontar: desafiuzamentos, alzhéimer, desencontro xeracional e outros pequenos asuntos que lles vai impoñendo a imparable dinámica da sociedade capitalista contemporánea."