COMEDIA INFANTIL E FAMILIAR A PARTIR DE 5 ANOS

A señorita Ernestina é a fermosa bibliotecaria da vila de Paragón. Aínda que é orfa e non ten familiares ricos, os bandidos desta peza decidiron secuestrala. Pretenden xerar un caos cultural que obrigue ás autoridades a pagar polo rescate da bibliotecaria.

Así e todo as intencións desta banda tomarán un novo camiño ao descubrir que a señorita Ernestina os contaxiou co virus da varicela. A poucas persoas lles acaen ben os grans na cara, pero para uns ladróns resulta desastroso.Tomaría vostede en serio a un ladrón con graíños? Pois non, parece ser a resposta máis obvia; así que os ladróns deben tomar unha solución para o seu problema, pero non teñen nin idea de onde buscala.