Novas

12/03/2020
[comment_count]

Narón, 12 de marzo de 2020. O Concello de Narón acolleu na xornada de hoxe unha nova reunión con responsables dos diferentes departamentos municipais nos que se acordou adoptar unha serie de medidas preventivas ante a expansión da pandemia provocada polo virus Covid-19 (coronavirus). A alcaldesa da cidade, Marián Ferreiro, a través dun decreto de Alcaldía, informou sobre as medidas que se adoptarán no Concello e que se aplicarán dende mañá, venres 13, ata o vindeiro 29 de marzo. Este período, así como o contido das medidas, está suxeito a modificacións en función das posibles indicacións que se realicen en materia preventiva co fin de minimizar o impacto do coronavirus dende as autoridades sanitarias autonómicas ou estatais.

            O Concello de Narón, tal e como se recolle no decreto, suspenderá a celebración de actividades escolares e extraescolares dependentes do Concello e tamén as actividades previstas nestas datas na Biblioteca municipal, nas Axencias de Lectura municipais da Gándara e A Solaina, na Ludoteca da Solaina, na Casa da Mocidade, nas Escolas Infantís Municipais (A Solaina, A Gándara e Piñeiros), no Centro Comunitario Manuela Pérez Sequeiros (agás o servizo do Centro de Día), no Centro de maiores das Vivendas da Mariña (agás o servizo de comedor), e nos Centros Cívicos Sociais municipais.

            As medidas a adoptar inclúen tamén a suspensión da realización de todas as actividades de carácter formativo e presenciais que se estaban desenvolvendo no Centro de Formación Irmás Froilaz, na Gándara, e na Aula Cemit de Xuvia.

            Na área de Deportes, suspenderanse dende mañá todas as actividades nas instalacións deportivas dependentes do Concello de Narón e, na de Cultura, todas as actividades e espectáculos públicos programados nas instalacións culturais dependentes do Concello de Narón (Pazo da Cultura, Auditorio municipal e Casa da Cultura).

            Así mesmo, tal e como se recolle no decreto asinado pola alcaldesa da cidade, a atención de servizos sociais (traballadora social) na zona rural levarase a cabo na Casa Consistorial

06/03/2020
[comment_count]

Aforo completo para o evento programado para este sábado ás 20.00h, "Señora de rojo sobre fondo gris", con José Sacristán como intérprete. Este evento abre este ano o V Festival Singular do monólogo teatral, que trae durante o mes de marzo múltiples propostas culturáis.

07/02/2020
[comment_count]

O vindeiro luns día 10 ábrese o prazo de inscrición de comparsas para o Entroido de Narón 2020

27/01/2020
[comment_count]

As entradas pagadas en metálico terán que vir reclamar a devolución á taquilla do Pazo da Cultura de Narón, en horario de taquilla. As devolucións de entradas mercadas  a través da web, se reembolsarán de forma automática. Tamén as devolucións de entradas mercadas en tpv se reembolsarán nos vindeiros días.

24/01/2020
[comment_count]

A partires do día 28 estarán á venda as localidades para o evento de Carlos Blanco e Xosé Touriñán, Unha Noite na praia , previsto para o sábado 4 de abril; evento fora de abono polo tanto á venda de todo o público dende o vindeiro 28 de xaneiro. En ocasións anteriores esgotaron entradas para varios pases.

E un segundo evento, programado para o venres 3 de abril ás 20.30h;  Sés co seu novo traballo "Xira 2020, blues e sons latinoamericanos" . Neste caso con periodo de abonados dende o día 28 de xaneiro ao día 5 inclusive, para que merquen en exclusiva, e a partir do día 6 de febreiro estará á venda de todo o público.

Páxinas