VIEJO AMIGO CICERÓN

VIEJO AMIGO CICERÓN, TEATRO CLÁSICO

Viejo amigo Cicerón é unha obra centrada na figura do soado orador romano, protagonista destacado das intensas loitas e as violentas transformacións acaecidas no século primeiro anterior á nosa era. José María Pou é Cicerón personificando a integridade moral de quen mantén a coherencia das súas conviccións políticas aínda nas máis adversas circunstancias. Marco Tulio Cicerón preséntasenos, pois, como un político excepcional nun mundo de mezquinas ambicións persoais, deslealdades e pequenas componendas tan propias da vida pública dende entón. Político, xurista, orador, filósofo, divulgador, podería encarnar a soada máxima de Terencio pois nada do humano lle resultaba alleo.