O LORO DE CARLOS V

DATOS BÁSICOS

ÓPERA INFANTIL COA ORQUESTRA SINFÓNICA DE GALICIA

Spiridon, o loro favorito do emperador, acaba de escapar de palacio voando pola fiestra. Ninguén se atreve a transmitirlle a noticia ao monarca pero, cando este se decata ofrece unha recompensa a quen o atope e o leve de novo aos seus apousentos.

Unha parella de labregos ten a fortuna de atopalo. Fará Eva Crispil honra ao seu alcume de “astuta labrega”? Sairá airosa das dificultades que os membros da corte real lle presenten para obter a recompensa?

"O loro de Carlos V" é unha ópera buffa para todos os públicos baseada nunha idea orixinal do compositor Nani García. É un conto infantil e ao mesmo tempo unha obra artística con vocación de entusiasmar e emocionar ao público máis esixente.

Presentada no formato singspiel, a obra contén unha intención lúdica e vitalista dende a que se saúda á "A Frauta Máxica" de Mozart e á viveza imperecedoira das obras de Rossini.

O espírito cómico transcende cada escena dende o propio deseño dos personaxes. Pero baixo esta aparencia de lixeireza atópanse sofisticados mecanismos que abren as portas a un mundo de ilusión e tenrura.

O compositor propón unha partitura desprovista de complexos orquestrais pero sempre tendo en conta o carácter cantabile, sempre dende a perspectiva do escoitante, de maneira que resulte innovadora musicalmente polo uso de recursos musicais tonais pero contemporáneos, á vez que busca o achegamento emocional do público a partir da experiencia que o propio autor emana da súa andaina cinematográfica

Xénero: 
  • Música
  • Ópera
Lugar do espectáculo: 
Pazo da Cultura
Duración: 
55MIN
Prezos: 
Público xeral 16€ / Tarifa reducida 11.20€
Información da billeteira: 

Prezos:

*Tarifa abonad@s: 11.20€

*Tarifa público xeral: 16€

*Tarifa reducida: 11.20€ (con Carné Xove ou de estudante (ata 24 anos), desempregad@s, menores de 14 anos)

 

**Espectáculo en período de reserva de abonad@s, venda ao público xeral a partir do mércores 21 de agosto.

***A venda de entradas a tarifa reducida farase unicamente a través da billeteira do Pazo da Cultura de Narón, presentando a debida documentación.

+info 981 102 897

Funcións: 
Sábado, 7 de Decembro de 2019 20:00
O loro de Carlos V pdf.jpg