LA JUDÍA DE TOLEDO

TEATRO CLÁSICO

"La judía de Toledo" é un texto complexo, como complexo queremos que sexa o espectáculo, como complexo é o momento que estamos a vivir, como complexa é a situación que nos rodea.

Desprende este texto unha tremenda forma poética, suxestiva, embriagadora, perturbadora. Hai escenas, pasaxes, momentos, frases que non se poden esquecer. E estamos seguros que posto nun escenario pode crecer e provocar toda unha catarata de sensacións.

Hai sombras que cantan na escuridade, que cantan o perigo, que se abren paso entre os raios, os lóstregos e o vento. Velaquí o mundo do inexplicable, o mundo do máxico. Velaquí a améndoa da dor, a profecía sinistra, o medo nos ósos, o cheiro da morte.