COCINA

DATOS BÁSICOS

A cociña dá calor, cor, sabor, cheiro… Nela descubrimos as primeiras texturas, os primeiros sabores, porque é o primeiro laboratorio que coñecemos, ese espazo no que, desde nenos, experimentamos coa comida, cos obxectos, cos sentidos.

Na cociña amencemos xuntos e na cociña despedímonos do día. A cociña como lugar onde nutrir os nosos corpos e fortalecer vínculos.

Cando tentamos dar para comer a un neno algo que non lle apetece e xogamos a que unha culler voa cargada de comida, estamos a lle iniciar nos seus primeiros xogos simbólicos.

Un escenario en branco e negro con algunhas pinceladas de cor que nos dan os froitos, cubertos, cazolas, mandís, vaixelas… será esta vez a escusa que utilicemos para achegar a poesía, a música, o ritmo e as cancións aos máis pequenos.

Partimos de poemas de importantes autores como Ignacio Sanz, Susana Gómez Redondo, Pedro Mañas, Fran Nuño, José Antonio Ramírez, Carmen Galán, Juan Clemente e Antonio Rubio. Todos e cada un deles axudáronnos a “cociñar” este espectáculo, xunto coa boa man de Juan Carlos Pastor, escenógrafo e creativo; Israel Robledo e Eva Brizuela, construtores de todos os obxectos e a imaxe gráfica de Isidro Alonso.

Por último, queremos dar as grazas á nosa amiga querida e gran “cociñeira” de historias e de espectáculos, Marieta Moedeiro.

Todos xuntos imos almorzar, comer, merendar, cear, xogar, bailar, soñar, imaxinar, viaxar e cantar.

 

Lugar do espectáculo: 
Pazo da Cultura
Duración: 
35 minutos
Prezos: 
Público xeral 9.50€ / Tarifa reducida 6.65€
Información da billeteira: 

PREZOS:

- TARIFA PÚBLICO XERAL: 9.50€

- TARIFA REDUCIDA: 6.65€ - para abonad@s, desempregad@s, con Carné Xove o de estudante (ata 25 anos)

- MENORES DE 14 anos: 5.50€

* A venta de entradas de tarifa reducida é únicamente a través da taquilla do Pazo de Cultura de Narón, presentando a debida documentación.

Teléfono de atención 981 102 897

Funcións: 
Domingo, 15 de Novembro de 2020 18:00