Festival de Comparsas de Narón 2010

O Pasado 13 de febreiro celebrouse ante unha ateigada Praza de Galicia o Festival de Comparsas de Narón 2010. Dez foron as comparsas participantes, 6 de Narón e 4 de concellos veciños. Cada comparsa, durante un tempo de 10 minutos, fixo crítica dos temas máis actuais da vida municipal, autonómica e estatal. Os Colludos da ASC. de Minusválidos, Os Nenos de Lola de Virxe do Mar (Narón), Mejicolindo de Neda, Troupele da Gándara (Narón), Os Sanfermíns das Pontes, As Espontáneas do Val (Narón), Os Kikos de Cedeira, A Revolta da Gándara (Narón), Os Trastos de Valdoviño e Os Parrandolos de Piñeiros (Narón), foron as comparsas participantes, resultando finalmente gañadores os participantes da comparsa Os Parrandolos de Piñeiros. A Revolta e As Espontáneas ocuparon a segunda e a terceira posición respectivamente.